priwjaet (oder so, russisch fuer hola) so, jetz gits doch mol no es massemail vom chesi, isch eigentli scho uf chli fruehner planed gsi, aber ich saege eu, so reise isch en meeeega stress (nid nu waeg de meli ;-) ) so mit sache wie zugfahre (inkl. billet organisiere, und da uf russisch, do cha fasch ka s.. englisch, mir defuer scho fasch fluessend gebaerdesproch), esse (inkl poschte (eta, adin ("vo saebem, eis"), choche und abwaesche (mit chaltem wasser us em chuebel)), lese (inkl. lesestoff uftriibe (englischi ziitige suecht me do in irkutsk vogaebe)) und wandere (ueber stock und stei, iis und wasser (da haet nid so klapped, han en nasse schueh usaezogae) vogoht d ziit wie im zuge (hihi). aber im ernst, es isch de hammer, jetz simmer faeng 3 wuchae underwegs, und hend scho so vill cools zuegs erlebt! ich han leider scho fasch d helfti wieder vogaesse, drum choemed jetz do eifach wirr es paar anekdoetli: - moskau: zimli gross und sehr kontrastriich, es haet alt nebed neu, grussig nebed schoen, und wenn me oepis suecht denn bruuchts meistens e ziitli, well de iigang absolut nid markiert isch und sich irgendwo vosteckt... s highlight isch wohl gsi womer noch em uusgang mit ere moskauerin no zu ihrae hei sind, doet het ihren wg-kolleg grad fischsuppe gmacht gha, und denn simmer am morge am 4i oder so miteme taxi (in moskau isch jedes auto es taxi, well jede gern uf de heifahrt no chli geld vodient) denn zu uesere wg (im 10. stock imene wunderhuebsche plattebau, die wo d wohnig ghoert isch grad ufeme businesstrip gsi) gfahre. - 3.5 taeg am stuck imene zug sitze/lige/schwaetze/laese/schlofae/foetele/noddles easse/warte bis dass d wc-tuere noch abfahrt wieder ufgschlosse wird/s vo de meli bastlete carcassone spiele etc.: da isch echt voll friedlich, ues isch s glaub kei minute langwiilig gsi. wellness pur! - trip uf d olchon inslae am baikalsee: de titel isch chli ihrefuehrend, well s ziil isch zwor die insle gsi, aber d faehre wo ues doet ueber het soelle bringe isch nonid gfahre, well de ganz baikalsee no gfrohre gsi isch (was ueberigens extrem cool (!) usgseht, echt einmolig!!)... wie au immer, e frau womer im minibus kenneglernt hend haet ues denn womer a de endstation aacho sind zu ihrere muetter hei zum zmittag iiglade (so imene chliine huessli, s wc isch es plumpsklo nebedusse gsi), und ues denn zum "instruktor" brocht (so oepis wenen tourifuehrer). de het aber au kei englisch choene, aber mir haend immerhin vostande dass es kei gueti idee isch zum eifach ueber s iis uf olchon laufe (au wenn s fischer mit autos ufem iis gha het). mir haend ihm da denn glaubt (zum glueck, am noegschte tag isch anschiinend ei auto vosoffae), und haend eifach grad doet am ufer imene nigelnagelneue holzhuesli 3 naecht uebernachted, sind chli go wandere und haend eifach immer wieder ab dere riisemengi iis um ues umae gstuuned. eimal haemmer s ues denn no si richtig moesse bewiisae und sind anere gschmolznae stell is 4 grad heissi wasser ghuepft. juhui! das mol es paar uusschnitt, es isch echt e super ziit wo mir do hend, und ich bi gspanne was mir susch no alles doerfed erlebe und was mer no so fuer schoeni landschafte gsehnd. aber jetz muemer no es letschts mol uf de maerkt do in irkutsk, no chli salot und dessert in plastiksaeck poschte und es letschts mol piroschki (so fritierte teig mit haerdoepfel drin, mmmh) esse... und denn (hoffentli ohni es zweits mol i eis vo dene villne strosseloecher gheie) in zug uf ulan baatar stiige... mached s guet und melded eu wenn er kei so spam me woend (oder au eifach so...) gruessli vo es paar tuusig kilometer ostwaerts chesi/marcel/cheese