hi
hmmm, i zimli gnau 24 stund chunnt miin
flueger in chlotae aa und mini 5 moenaet aberdeen sind z end... momentan hocki
aber grad no imenae bus richtig aberdeen und probier mol no chli
zruggzluegae...
intro:
nochdem dass mi vor anderthalb wuchae
mini elterae sind cho bsuechae und mir zaemae e mega tour dur nordschottland und
en huufae foeteli (demnaechst komplett uf www.dreamweb.ch/cheese) gmacht hend
(inklusiv orkney-inslae) hani di letschtae paar taeg mit em pedro a de
westkuestae (oban) mit chli relaexae und bsuechae vo 2 kolleginae wo doet imenae
hotel schaffed vobroocht. isch friedlich gsi mol so gar nued machae und voll
touri si. ich ha au chli ziit gha zum mol chli ueber di ganz ziit nodenkae und
bi zu folgendem zwueschedschluss cho:
scotland:
schottland isch e gmuetlichs land und
es git mega vill z gseh. cooli staedt we edinburgh und glasgow, kahli bergae i
de mitti (aber geil zum wanderae und bikae), mega friedlichi inslae (skye, mull
und orkney mit fettae grossae steikreis) und erae mega kuuhlae coastline, vor
allem im nordae obae. doet hets au es paar mega idyllischi grossi wiisi
sandstraend (aber leider isch es wasser eifach schiis chalt...). ah jo, und es
wetter isch echt nid de hammer!
ireland:
(sorry, da isch eigentli nu schnell en
iischub...) denn hani au mol no husch en trip uf irland gmacht, leider haemmer
nu e wuchae ziit gha, aber so dublin und d westkuestae so um galway umae sind
echt au en bsuech wert. und mit ryanair chunnt me zimli billig doet anae. mir
sind z 7tae doet gsi, isch zum teil chli e ghetto gsi bis dass mer ues geiniget
hend was machae und wo anae, aber wenn mer dass denn amigs klaert gha hend isch
mega cool gsi.
aberdeen:
ich bi voll z friedae gsi mit derae
stadt. ich wuer jetz nid welae miis laebae do vobringae, aber so 5 moenaet isch
friedlich. was mir i de schwiiz wird fehlae isch zallererscht es meer. ich bi
zwor nu (oder immerhin) ei mol gsi go badae (oder bessergseit inaeghuepft), und
zum surfae hanis gar nie brocht (sorry bolli), aber so en riisae strand grad vor
de huettae isch eifach scho oepis geils.
au susch hets eigentli so zimli
alles gha was es bruucht, und so gmuetlichi pubs we es estaminet moni jetz z
zueri zersch mol suechae. uebrigens: ich bi stammchund wordae vomenae
chinarestaurant wo fuer 12 stutz en buffet lunch aabuetet mit allem drum und dra
(vo satay-chicken zu glace-dessert). mmmmh!
friends:
5 moenaet isch uf e art ebae doch e
churzi ziit, und waeg em party-lifestyle gits en huufae oberflachae-beziehigae,
womae sich nid vill meh z vozellae haet als hoi-und-tschau. aber es paar luet
woni do kennaeglernt ha sind ebae scho recht cool, und ich hoff dass ich en
huufae daevo ufemae interrail-trip mol cha go bsuechae. und villicht schaff is
au mol uf singapur zu miim flatmate phang oder uf amerika zu es paar
kolleginnae... vor allem mit em pedro vo barcelona hanis mega guet gha, aber au
dem mues ich morn tschau saegae :-(
erasmus-exchange:
da isch echt e cooli sach, und
ich cha jedem wo d chance het e so en uustusch zmachae da nu empfehlae. es isch
nid immer voll easy gsi, ich ha au mol es paar tuefs gha, aber ich denk ich ha
en huufae glernt, nid unbedingt in informatik (siehe unten), sondern meh so chli
ueber life, the universe and everything (inklusiv mich selber).
so noch 2
johr studium isch da eifach es optimum zum mol us em alltag uusbrechae. und es
isch wuerkli easy, mi mues nu es paar formular uusfuellae, that s
it.
university:
ich ha jo di ganz ziit vozellt es
seg recht easy do, und so churz vor de pruefigae han ich mich mol gfrogaed oeb
ich chli meh het moesae machae. ich ha denn mol 2 wuchae so chli glernt (isch
wohl nuet im vogliich zur eth) und anschinend hani alli pruefigae bestandae, mit
notae zwuesched 18 und 20 (vo 20 maximal)... es isch also scho chli feriae
do...
outro:
jo, dass isches oepae gsi. huet obed no
es letschts pint (oder eventuell e hot chocolate) und denn gohts hei zue. aebae,
ich ha e gueti ziit gha do, aber ich mues saegae, ich freu mich jetz au wieder
uf dihei und eu (vor allem oeper...).
du haeschs jetz also gschafft, es
letschti massaemail vom chesi ueberstandae, s noegschtmol ghoersch und gsesch
wieder persoenlich vo mir...
bis denn
chesi / cheese / marcel
kessler
special greetings:
irene - lern guet!
mami
und papi - sinder guet heicho?
ruhli, bolli und schnetzi - wie waers mol
miterae worms session i de wg? ha entzuug...
bodo, andre, frank, didu - chan
ich noegscht wuchbae mit eu mol chli im fachstudium go umaeschnupperae?
alli
ha-wis - alles ready fuers jubilaeum...?
chlini - so, jetz isch fertig rueh
dihei...
unsubscribe:
falls du miis blabla nuemm wetsch
ghoerae...