hi
sit em letschtae mail isch scho richtig vill ziit
vogangae, und da sogar oeper gseit het ich soelli mol wieder sonae riisae mail
schriibae (ok, s isch mini schwoe gsi...) hani denkt ich toes eu mol wieder chli
belaestigae...
intro:
jo, oepae 6 wuchae isches haer sit em letschtae
bricht, und plus/minus so vill bliibt mer jetz au no... so langsam
schaffts de summer sogar uf schottland ue, und ich gnuessae di restlich
ziit no, bi aber au nid mega boes dass i irgendwenn denn wieder dihei bi, well
so langsam fehled ihr mir alli irgendwie scho es bitzeli ... aber de
reihae no:
travelling with bolli:
i minerae letschtae feriaewuchae
hani bsuech vom olibo uebercho, und gmeinsam haemmer denn d highlands chli
unsicher gmacht. mir sind uf en minibus-trip mit oepae 20 anderae jungs und
maedels us de ganzae welt, und es isch zimli mental gsi. eigentli hani im bolli
jo no welae aberdeen zeigae, aber well es wetter und so bim stop uf skye grad
zimli schoen gsi isch haemmer doet chli en laengerae halt iigleit... (alli wo
jetz woend go bildli vo denae gruend fuer d vozoegerig aaluegae, die moni leider
enttueschae, mini digicam isch underwaegs abglaegae, drum ussnahmswiis mol kani
tuusig pictures...). wie au immer, s isch ae cooli wuchae gsi, und im oli hets
glaub au gfallae...
hillwalking:
nochdem dass ich dank poestler irene
endlich zu minae wanderschue und eme schlofsack cho bi hani denn doch no choenae
member vom hillwalking- und mountainering-club werdae (es mountainering cha
mae jedoch eigentli wegloh, sind doch die hoechstae bergae do grad oepae
1200 m hoech, also nid vill meh als huegel...) mit de uni-eignae minibues gohts
jewiils am friitig obed los in richtig bergli, und denn wuerd samstig und
sunntig umaegwanderet (sofern es wetter halbwegs aastaendig isch...) d
berglandschaft do isch zimli andersch als bi ues, meistens relativ bruu und
trist, aber doch speziell (ps: mini digicam het denn wieder tue, foeteli we
immer uf www.dreamweb.ch/cheese), und vor
allem ruig... es git an sich ka wanderweg, sondern mi lauft eifach chli
doet durae wo me grad luscht het, und d chance dass me suscht oeper aatrifft
isch relativ gring...
other stuff:
well 2 vo mini 5 faecher vor de
feriae ufghoert hend hanis i de letschtae paar wuchae zimli easy gha. d folg
devo isch no chli meh partys, meh kinobsuech und sogar eimol selber zopf bachae
gsi (fuer alli wo da nid glaubed: www.dreamweb.ch/cheese). so langsam bini
aber wieder chli am serioeser werdae, well i 2 taeg sind mini 12 wuchae
schuelziit do scho vobi und i 2 wuchae hani mini erschtae
pruefigae... (aaaah, ich weiss gar nuemmae we da so isch, chli z lernae,
ich glaub im herbst wirds zimli bitter fuer mich wieder zrugg i de eth... )
outro:
okay, ich glaub da isches au scho wieder gsi, ich denk ich
schaffes villicht no eimol, und denn sind er mini mails loos, defuer... (es cha
also nu no schlimmer cho...) wie au immer, macheds guet
chesi / cheese /
marcel kessler
ps: die luet wo me uf de letschtae paar foeteli gseht sind
uebrigens mini flatmates, ich ha denkt die moend scho au mol no chli voewiged
werdae...
pps: falls oeper oeper kennt wo e neui homepage bruucht, ich
kenn oeper wo aafangs summer no chli oepis zum baschtlae
suecht...
special greetings:
bodo, andre, frank,
didu - congratulations zum vordip...
susan, ines, stef, filou, doemel... -
vill spass im tessin...
alli pfadis - schoeni pfilas...
ruhli &
bolli - merci fuer da mit de bluemae...
schnetzi & claudi - happy
birthday...
unsubscribe:
falls du miis blabla
nuemm wotsch ghoerae denn mosch der entweder d'mueh machae zum mir da saegae,
oder am beschtae eifach d'mails loeschae...