hi
yeah, ich ha feriae (ok, eigentlich hani do jo di ganz ziit feriae, aber jetz isches offiziell...) drum gits do mol wieder es chliises update:

intro:
ich bi fliisig am umaereisae gsi, ha en huufae phoeteli gmacht und jetz denn sogar gli s ersch mol homework... es wetter sich zum teil richtig fruehligshaft, und im seaton-park bluehed scho di erschtae bluemli... aber de reihae no:

st. andrews:
i dem kaff isch nid nu de beruehmtist golfplatz vo de welt, sondern au de prinz william oder susch oeper vo de royal family, wo doet am studierae isch. jo, und 2 volli cars vo de international society haend mich und oepae 99 anderi doet anaegfuehrt. aber ehrlich gseit, so speziell isch dae ort nid, zimmli es voschloofes nest. aber defuer simmer nochher no inae whisky-destillerie gangae, haend e chliini fuehrig gha und denn bini sogar zu miim erstae glas single malt whisky cho. gwuessi luet werded mich jetz fuer en banaus haltae, aber en southern comfort hani immer no lieber...

isle of skye:
2 wuchae spoeter bini mit de celtic society richtig westae zu de bekannte isle of skye duesed. es wetter sich zwor mol wieder nid voll de hammer gsi, aber die inslae isch wuerkli no friedlich. wenn sich oeper vo dem wett ueberzeugae, ich ha (zimli vill) phoeteli online tue, und zwor uf www.dreamweb.ch/skye... uf em trip haemmer natuerli wes sich ghoert keltischs gefiddel glosed. struub isch nu chli gsi dass es rund um mich umae nid englisch, sondern spanisch, italienisch und franzoesisch gschwaetzt het...

food:
ich gibs jo zue, s feini essae vo minerae mami fehlt mer scho chli, aber ab und zue gits au do es paar liechtblick: irgendwenn hed de pedro mol paellae koched, und obwohl er glaub s ersch mol voremae herd gstandae isch isches zimli guet usaecho (aemel die pfannae wos nid aabrennt isch). nochher isch die sach denn no chli inae whisky-party uusgarted (ich wett jetz do ka flaeschaezahlae nennae, aber uf www.dreamweb.ch/cheese hets es paar bewiisfoeteli). denn han ichs mol mit zueri-gschnetzlets und roesti probiert, au da hett so halbwegs klapped... und letschthin bini anerae mega lasagne-party gsi, mit chicken-, spinat-, pilz- und normaler lasagne. mmmmmmmmh!

holiday:
well vor 10 taeg d irene vobii cho isch isch us de letschtae schuelwuchae halt nid allzuvill wordae, defuer hets diversi fuehrigae durch aberdeen und umgebig (beach, altstadt, lighthouse, diversi castles, uusgang usw.) geh. und es letsch wuchaenend haemmer denn es auto gmietet (en mega herzigae orangae nissan micra) und sind ab richtig nordae und westae. am erstae tag simmer entlang de kuestae und denn z obed z inverness in uusgang. am 2. tag simmer quer durch d highlands uf schmalstae single track roads (wenigstens isches doet egal oeb links oder rechtsverchehr) a d westkuestae. isch zum teil zimli sega rally style gsi, uf jedaefall wunderschoen! am 3. tag simmer denn quer durs land und hend diversi schloesser und vor allem mystischi steikreis aaglueged. siit do goht mini uhr au 9 minutae hinnaenoo (hiiwiis uf da sinnlos erschiinend statement gits i de phoeteli uf www.dreamweb.ch/cheese...)

outro:
sniff, d irene isch leider wieder gangae... ich bi uebrigens no oepae 3 moenat do, ha also jetz denn gli halbziit. noegscht wuchae gangi villicht no chli meh in nordae richtig shetland island, und i de 3. wuchae chumi denn no bsuech vom bolli ueber... ich meld mich denn irgendwenn mol wieder, wuensch eu allnae en schoenae fruehlig und vill spass bim ostereier suechae... macheds guet
chesi / cheese / marcel kessler

special greetings:
bodo, andre, frank, didu - wie isch gloffae? wenn choemed d resultat?
alli osterkuersler - vill spass!
ruhli - gueti besserig!

unsubscribe:
falls du miis blabla nuemm wetsch ghoerae denn mosch der entweder d'mueh machae zum mir da saegae, oder am beschtae eifach d'mails loeschae...