hello again
well wieder es paar taegli vogangae sind und ich
morn ersch am 10i schuel ha do ich eu mol wieder chli spaemmae...
(uf www.dreamweb.ch/cheese hets uebrigens
wieder es paar neui foeteli ge, eifach mol inaeluegae wer gnueg vo de schwiiz
het)
intro:
ich glaub ich ha mi scho richtig iiglebt do. miis
zimmer isch langsam uusdeckoriert, de chuelschrank gfuehlt (nid nu mit beer),
ich ha fuer 25 pfund es velo kauft, ha miin definitivae stundaeplan (fuer die
wos interessiert: human computer interaction (gui bastlae mit jbuilder),
artificial intelligence (chli prolog und so), e-commerce (online-shop mit jsp
und tomcat), graphics (.ps-coding sowie spoeter mol no opengl), astronomy (meh
uus fun), english writing for science
(zimli oed, aber villicht mol no nuetzlich und volleyball) und bi scho fliisig
am umaereisae (siehe unten)
friday evening (wieder mol...):
uus irgendemae grund het mich e taxibekanntschaft
zimli spontan zumenae curry dinner iigladae, und da cha mae jo fasch nid nei
saegae, nu scho waeg em aessae... mmh, und wie da gsi isch... 3 voschiedeni
curry (lamm, turkey und chicken) sowie e mega feini satay sauce hets ge, und
denn hani au s ersch mol es vognuegae gha es paar local people kennezlernae.
nebst mir sind doet naemli no 3 schottinae gsi, 3 amerikanerinnae und ein
suedstaatler wome schlechter vostoht als jedae schott...
edinburgh:
chum do bini scho wieder weg, miin erstae
touri-uusflug het mi noch edinbrugh gfuehrt. zaemae mit de schwedin bini doet uf diversae huegel umaekletteret, ha jensti
kilometer zrugggleit, es paar foeteli gmacht (ich wiis a derae stell mol nomol
uf d homepage hii...), 3 livekonzert miterlebt (s eint sind es paar
musikstudentae gsi wo chli spontan umaenandgspillt hend mit lieder vo pink
floyd, radiohaed, travis...; voll friedlich gsi), de botanisch gartae unsicher
gmacht und sogar oepae 2 stund im zimli geilae museum of modern art vobrocht...
weird:
abgseh vom regae gits a schottland wuerkli fasch
nued uuszsetzae, usserd es paar chliini sachae wo ich eifach nid ganz vostand.
meistens haets mit sanitaerae aalagae z tue... zum biispiel bruenneli: es git do
zwor chalt und warm wasser, aber kae lauwarms, well es wasser uus zwei
voschiedene roehrae chunnt, und d schottae nid faehig sind zum die 2 roehrae
zaemaezfuehrae. da heisst we me sich do wett d hend waeschae, denn vobrennt me
sich di link und vofruehrt a de rechtae hand... bi de duschaenae hends es
immerhin gschafft dass alles us em gliichae loch chunnt, aber defuer isch dae
regulator nid so de hammer: je me dass me ufdruehlt, desto me heisses wasser
chunnt. es isch nid irgend e zweiweg dings sondern eifach ei raedli zum
druehlae, und es isch schlicht nid moeglich es bitzli warms wasser usaezloh,
oder vill chalts, sondern nu jewiils gnau s gegaeteil...
outro:
aber ihr gsehnd da scho richtig: wenn da alles isch
wo de chesi umaezmotzae het denn mues es recht friedlich sii do, und so isches
au...
i dem sinn wuensch ich eu allnae e gueti ziit und
bis spoeter
chesi / cheese / marcel kessler
ps. happy new year (jo, mini chinesae und malaysier
fiered da jetz grad...)
special greetings:
mami - herzlichi gratulation zum 50igstae (darf i
da do so schriibae?)
steini - sorry, ha di letschmol vogaessae, natuerli
au dir vill glueck bi de pruefigae
domi - merci fuer dini reisetips
ronnie - gnuess dini letschtae taeg in
australiae...
ruhli - freu mi uf de testcall...
unsubscribe:
falls du miis blabla nuemm wetsch ghoerae denn
mosch der entweder d'mueh machae zum mir da saegae, oder am beschtae eifach
d'mails loeschae...