hi
we du wohrschindli weisch bin ich momentan in
schottland e chli am umaeplaeuschlae...
falls di interessiert was do so passiert chasch
eifach mol chli wiiterlesae, falls es paar foetli wetsch aaluegae denn chasch uf
folgendei siitae go:
aber loemmer loos...
my arrival:
so oepae am 5i am obed bini in aberdeen aacho, und
alles wani gwuesst ha isch dass en bus nr 20 in richtig vo miim neuae heim
fahrt.
wells grad nieneds e 20er haltistell gha het bini
halt mol chli umae glofae (mit gepaeck logischerwiis), ha mol chli gfroget, bi
chli wiitergloffae, ha wieder gfroget usw,
da ganzi so oepae e halb stund, irgend wenn isch
denn binere haltistell nr 20 erwaehnt gsi, aber leider isch de letsch bus am
mittag am 2 gfahrae...
ok, laufed mer halt wiider zrugg zum taxistand...
natuerli hets gnau i dem moment aagfangae regnae usw.
irgendwenn isch denn au mol es taxi cho, und
irgendwenn het de taxifahrer au vostandae woni anewot, ind irgendwenn han ich au
vostandae was er susch no so gseit, so noch oepae 5 sorry, i didn't
understand... da isch jetz also de schottisch akzent...
my flat:
pflotschnass bini denn do aacho, ha de schluessel
gholt und mini underkunft fuer di noegschtae 5 moenaet betraettae. ich han es
chliises zimmerli (siehe foeteli) mit bett, chaschtae, schriibtisch
fullstop. denn hani mol minae mitbewohner hoigseit: nicolas (france), paladi
(malaysia), alvin (china), lee (china, isch sin nochname, vorname z'kompliziert)
und denn no ein vo singapur. zimli multikulti. di meiste sind scho e semester
oder me do und wuessed wo de hasae lauft. easy luet...
university of aberdeen:
noch de erstae nacht i miim neuae bett (ha zwor
zersch no moesae bettwoesch organisierae, hetti enschiinend moesae mitneh..., ha
aber schlussendlich guet gschloffae) bini denn mol loszogae richtig uni. im
franzos sini wegbeschriibig hani wohl nid ganz vostandae, irgendwenn bini denn
aber doch mol aacho. d'uni gseht zum teil me uus we e alti burg oder es
chlooster (siehe auch foeteli), het aber voll style. ich ha mich mol uf d'suechi
noch miim supervisor gmacht (a dere stell moni villicht mol no saegae dass
d'schottae mega fruendlich sind und ich meistens gar nid ha moesae frogae wos
duraegoht, well si meistens gfundae hend: you look kind of lost, can i help
you?) und trotz em do not disturb a de tuerae mol klopfed... ok, er het nid so
freud gha, mir aber mol es paar zeddel (under anderem en stundeplan) ge und
gmeint ich soelli morn mol nomol cho... aha, ae lecture at 2 o'clock, ok, denn
lueged mer doch mol e chli umae...
the beach:
welli irgendwo mol en eggae meer gseh ha bini mol i
die richtig gloffae, und wow, do hets jo en mega beach (so oepae 2 miles) und
wow, es winded jo mega (irgend e alti frau uf de anderae strossaesiitae het grad
schier abghobae...). wi au immer, ich ha mini chappae fesch ueber dohrae zogae
und de wellae chli zuglueged... isch no cool so am meer...
the city:
und wiiter isch mini wanderig gangae, e voila,
ufzmol bini i de union street gsi, da isch so oepae s'pendant zu de bahnhofstr.
es het do au tuusig shops, jenschti shopping malls usw. per zuefall het sogar
d'sunnae mol husch hinder de wulchae fuerae glueged und ich ha mi au do so
richtig wohl gfuehlt. aber d'ziit isch nid stooblibae und ich ha mich langsam uf
de rueckweg richtig uni gmacht...
the 1st lecture:
ich bi jo scho chli gspannae gsi, weviel luet dass
do so het, we d'vorlesigae so sind usw. zum sicherstellae dass ich au am
richtigae ort bi hani denn mol mini uf de stegae sitz nochberi aagsprochae.
juhui, ich bi richtig, und ha ersch no e netti schwedin kennaeglernt... well s
thema vo de vorlesig human computer interaction gsi isch het de prof eigentli es
paar bispiel uf em pc welae zeigae, aber leider hets windows oepae 15 min
bruucht zum ufstarte...
allgemein gits z saegae dass d klassae do vill
chliner sind als bi ues (vor allem i de hoechere levels=studiejohr), und dass de
kontakt zu de professorae vill persoenlicher isch, d'stundae kind of
interaktiver (zum thema ebay.com het en student i geilem scottish slang es
gschichtli vo dere wo sich online zur huerot aabottae het
vozellt...).
aber zrugg zu wesentlicherae sachae...
my 1st scottish beer:
tennents hets sich gnennt, es isch e feins locals
gebraeu, so im still vo vb... natuerli hani da nid irgendwo trunkae, sondern
imenae richtige pub namens wild boar (siehe mol wieder foeteli...). am obed bin
denn mol no is kino (oepae 9.- sfr) und ha mi chli vo mullholand drive
vowirrae loo. en muhamed wo au debii gsi isch het unbedingt welae wuessae was de
sinn vo dem film gsi isch, und nochdem dass mir e chli umaegraetslet hend isch
en typ vom kino cho und het ues en zeddel mit ere moeglichae interpretation
ge... top-service...
friday evening:
also eigentli hets am mittag scho agfangae: noch
dem dass ich de schwedin (karin) e chli prolog erklaert ha, simmer uf es
chliises pre-dinner beer i es pup namens bobbin grad nebed de university. well
mer au no chli hunger gha hend hets dezue no e giant bowl of chips'n'cheese ge
(ich ha mer nid so choenae vorstellae, so pommes frites mit chaes druf, isch
aber wuerkli no fein...). so am 10i het me sich denn wieder im wild boar
troffae, und irgend wenn simmer denn wiiter inae enders pub: vo dussae haets
noch friedlicher live band toent, drum simmer mol inae... es isch en coolae typ
mit erae gitaerrae voll am abgoo gsi, dezue as paar oepae 40 joehrigi frauae,
und mir wo ues zimli drueber amuesiert hend. obwohl usser ues wohl niemmer under
driisgi gsi isch haemmer doch mol es pint bstellt, und irgend wenn isch de
groove denn au uf ues ueberegsprungae und mir sind mit emae 45joehrigae paerli
zume ne lied namens sit down am bodae ghocked und hend gshacked... (sorry, no
pictures...)
isch en zimli strubae uusgang gsi, aber voll
cool...
what else?:
falls es du bis do ane gschafft hesch, zersch mol
no herzlichi gratulation... ich glaub da langed mol fuers erscht, wennd
ueber es detail me wetsch wuessae, oder au susch, eifach mol schriibae, kesslema@student.ethz.ch funktioniert
immer no... denn hani au e telefonnummerae do, falls mol live wetsch ghoerae wes
z'schottland so regnet: 0044 870 050 9777 extension 5865, und falls mer wetsch
es fresspaeckli schickae oder so do mini churz adressae: marcel kessler, room
127f, keith house, hillhead halls, don street, old aberdeen, ab24 1wu, scotland,
gb...
c u:
ich muess jetz leider a irgend e spannier party,
mol luegae was do so abgoht, ich wuensch dir e schoenae ziit in sunny
switzerland und bis zum noegschtae mol
chesi / cheese / marcel kessler
special greetings:
ruhli und bolli - wie gohts de wg? scho e huebschi
nochfolgerin gfundae???
martin und silvan - alles im griff und immer
fliisig?
martin, julien, patrik und kurt - fertig glaessae,
wiiterschaffae...
chlini - es git do im fall doch e salatsauce, heinz
thousand island isch nid schlecht...
roman - erasmus isch e cooli sach...
bodo, frank, andre und didu - good luck a de
pruefigae!
unsubscribe:
falls du miis blabla nuemm wetsch ghoerae denn
mosch der entweder d'mueh machae zum mir da saegae, oder am beschtae eifach
d'mails loeschae...